ڈی جی آئی ایس پی آر لیفٹیننٹ جنرل احمد شریف چوہدری نے کنگ ایڈورڈ میڈیکل یونیورسٹی لاہور کے طلبہ اورفیکلٹی ممبران کے ساتھ ایک خصوصی نشست کی۔

نشست کے دوران پاکستان کے پہلے سکھ ڈاکٹرممپال سنگھ نے ڈی جی آئی ایس پی آر کو خوش آمدید کہا اور پاکستان سے اپنی محبت اور وابستگی کا بھرپور اظہار کیا۔

ڈاکٹر مِمپال سنگھ نے کہا کہ پاکستان میں رہنے والی اقلیتوں کو حاصل سہولیات اور مواقع اس ملک کی خوبصورتی کا ثبوت ہیں۔

انہوں نے کہا کہ پاکستان نے انہیں عزت، شناخت اور تمغۂ امتیاز دیا ہے۔ انہوں نے مزید کہا کہ ہم اپنی افواج کے ساتھ ہمیشہ کندھے سے کندھا ملا کر کھڑے ہیں اور رہیں گے۔