قانون نافذ کرنے والے اداروں نے اپر کرم میں افغانستان سے پاکستان میں داخل ہونے کی کوشش کرنے والے ایک مسلح افغان خارجی کو گرفتار کر لیا ہے۔

سکیورٹی ذرائع کے مطابق گرفتار خارجی کی شناخت قاری وقاص عرف قدوس کے نام سے ہوئی ہے۔

دورانِ تفتیش گرفتار افغان خارجی نے انکشاف کیا کہ وہ خارجی کاظم گروپ میں شمولیت کے لیے پاکستان میں داخل ہوا تھا۔

گرفتار افغان خارجی کے قبضے سے ایک سب مشین گن، چار میگزین اور 88 گولیاں برآمد ہوئیں۔