سکیورٹی فورسز نے خفیہ اطلاعات کی بنیاد پر کارروائیوں کو جاری رکھتے ہوئے گزشتہ 72 گھنٹوں کے دوران بھارتی حمایت یافتہ فتنہ الخوارج سے تعلق رکھنے والے ستائیس دہشتگردوں کو ہلاک کردیا ہے۔

فوج کے شعبہ تعلقات عامہ کے مطابق سکیورٹی فورسز نے ان کارروائیوں کے دوران شمالی وزیرستان کے علاقے میرانشاہ میں خوارج کے متعدد ٹھکانوں کو نشانہ بنایا۔

مارے گئے بھارتی حمایت یافتہ دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔ ہلاک ہونے والے دہشت گرد معصوم شہریوں کے قتل اور دہشت گردی کی مختلف سرگرمیوں میں ملوث تھے۔

آئی ایس پی آر نے بتایا کہ ہلاک ہونے والے خوارج میں میران شاہ میں ممتاز شخصیت شہید ملک سیف اللہ داوڑ کی ٹارگٹ کلنگ میں ملوث عناصر بھی شامل تھے۔