سکیورٹی فورسز نے خیبر پختونخوا کے ضلع ڈیرہ اسماعیل خان میں خفیہ اطلاعات کی بنیاد پر کامیاب کارروائی کے دوران فتنہ الخوارج سے تعلق رکھنے والے آٹھ دہشت گردوں کو ہلاک کر دیا۔
سکیورٹی ذرائع کے مطابق عزم استحکام وژن کے تحت یہ آپریشن علاقے میں دہشت گردوں کی موجودگی کی خفیہ اطلاع پر کیا گیا۔
ہلاک ہونے والے آٹھ دہشت گردوں میں فتنہ الخوارج کے تین اہم کمانڈر بھی شامل ہیں۔
سکیورٹی فورسز نے ہلاک ہونے والے دہشت گردوں سے غیر ملکی کرنسی اور بڑی مقدار میں اسلحہ اور گولہ بارود بھی برآمد کیا۔
سکیورٹی فورسز نے عزم استحکام وژن کے تحت ملک بھر سے دہشت گردی کے مکمل خاتمے اور دیرپا قیامِ امن کے لیے غیر متزلزل عزم کا اعادہ کیا ہے۔
