وزیر پٹرولیم علی پرویز ملک نے ملک کی سرحدوں کے تحفظ اور دہشت گردی کے خطرے کا مؤثر طور پر مقابلہ کرنے کے لیے قومی اتحاد پر زور دیا ہے۔
انہوں نے لاہور میں ایک جلسہ عام سے خطاب کرتے ہوئے کہا کہ قوم پاک فوج کے ساتھ کھڑی ہے اور ملک کے لیے اس کی قربانیوں کو ہمیشہ یاد رکھا جائے گا۔
علی پرویز ملک نے کہا کہ وزیراعظم محمد شہباز شریف اور فیلڈ مارشل سید عاصم منیر ملک کو دہشت گردی سے محفوظ رکھنے کے لیے تمام ممکنہ اقدامات کر رہے ہیں۔
انہوں نے خیبر پختونخوا کے وزیراعلیٰ سہیل آفریدی پر بھی زور دیا کہ وہ اپنی ذمہ داریاں پوری کریں کیونکہ صوبے میں ایک بار پھر دہشت گردی سر اٹھا رہی ہے۔
وفاقی وزیر نے پٹرولیم مصنوعات پر سبسڈی کے حوالے سے کہا کہ عالمی سطح پر قیمتوں میں اضافے کے باوجود حکومت عوام کو ریلیف فراہم کر رہی ہے۔
