فائل فوٹو

وزیر اعظم محمد شہباز شریف نے کہا ہے کہ تاریخی شہر استنبول میں صدر رجب طیب اردوان کیساتھ ان کی ملاقات نے پاکستان ترکیہ اسٹریٹجک شراکت داری کی دیرینہ مضبوطی کا اعادہ کیا ہے۔

اپنے ایکس ہینڈل پر ایک پوسٹ میں وزیر اعظم نے کہا کہ شراکت داری کا محور تجارت، سرمایہ کاری، دفاعی تعاون، توانائی، رابطے ، ٹیکنالوجی، علاقائی امن، اور عوامی سطح پر روابط کا فروغ رہا۔

شہباز شریف نے کہا کہ دونوں ممالک نے مشترکہ یقین کا اعادہ کیا کہ تنازعات کے حل اور بین الاقوامی امن و سلامتی کے تحفظ کیلئے صرف مذاکرات، سفارتکاری اور باہمی احترام ہی واحد پائیدار راستہ ہیں۔