وفاقی وزیر داخلہ محسن نقوی نے پاکستان اور سعودی عرب کے درمیان تاریخی اور برادرانہ تعلقات کو مزید مضبوط بنانے کے عزم کا اظہار کیا ہے۔
انہوں نے یہ بات جدہ میں مکہ ریجن کے قائم مقام گورنر شہزادہ سعود بن مشعل بن عبدالعزیزسے ملاقات کے دوران کہی۔
وزیر داخلہ نے عمرہ اور حج کے زائرین کے لئے بہترین انتظامات کرنے پر مکہ ریجن کے قائم مقام گورنر کا خصوصی شکریہ بھی ادا کیا۔
اس موقع پر گورنر شہزادہ سعود بن مشعل بن عبدالعزیز نے کہا کہ پاکستان کے ساتھ تعلقات سعودی عرب کے لئے بہت اہم ہیں ۔ انہوں نے ہر ممکن تعاون جاری رکھنے کی یقین دہانی کرائی۔
