نائب وزیراعظم اسحاق ڈار نے آج سعودی وزیرِ خارجہ شہزادہ فیصل بن فرحان آل سعود سے ٹیلی فون پر گفتگو کی۔

دونوں رہنماؤں نے علاقائی صورتحال ، بالخصوص دوحہ میں ثالثی کے حالیہ دور پر تبادلہ خیال کیا۔

انہوں نے اِن مذاکرات کے دوران ہونے والی مثبت پیش رفت پر اطمینان کا اظہار کیا اور اُمید ظاہر کی کہ مستقبل قریب میں بھی یہ بات چیت جاری رہے گی۔

شہزادہ فیصل نے اسلام آباد مفاہمتی یادداشت کے نفاذ کے لیے پاکستان کی کوششوں اور پختہ عزم ، نیز خطے میں بات چیت کو آگے بڑھانے اور دیر پا امن کے فروغ میں پاکستان کے مسلسل کردار کو سراہا۔