امریکی وزیر خارجہ مارکو روبیو نے کہا ہے کہ پاکستان افغانستان کی سرزمین سے ہونے والے دہشت گردانہ حملوں پر فکرمند ہے۔

اٹلانٹا میں جی 20 وزرائے خارجہ اجلاس کے بعد پریس کانفرنس سے خطاب کرتے ہوئے انہوں نے کہا کہ اسلام آباد کا مؤقف ہے کہ طالبان نے ان حملوں کی روک تھام کے لیے خاطر خواہ اقدامات نہیں کیے، جس کے باعث پاکستان کو جوابی کارروائی کرنا پڑی۔

مارکو روبیو نے کہا کہ امریکہ نے پاکستان کے تحفظات سنے ہیں اور وہ نہیں چاہتا کہ پاکستان دہشت گردی کا نشانہ بنے۔

امریکی وزیر خارجہ کا کہنا تھا کہ طالبان کے ساتھ امریکہ کے قریبی تعلقات نہیں ہیں، تاہم اس معاملے میں اگر امریکہ کوئی تعمیری کردار ادا کر سکتا ہے تو ضرور کرے گا۔