وزیراعظم شہباز شریف نے ملک کے باصلاحیت نوجوانوں میں ایک لاکھ لیپ ٹاپ کی تقسیم کا باضابطہ آغاز کر دیا ہے۔

 اسلام آباد میں افتتاحی تقریب سے خطاب کرتے ہوئے انہوں نے کہا کہ یوتھ لیپ ٹاپ سکیم دوہزار گیارہ سے جاری ہے۔

انہوں نے مزید کہا کہ اس سکیم پر اب تک تقریباً پچاس ارب روپے خرچ ہو چکے ہیں۔

انہوں نے کہا کہ ان کی حکومت اپنے ملک کے نوجوانوں کو جدید مہارتوں سے آراستہ کرنے کیلئے پانچ سو ارب روپے خرچ کرنے سے بھی نہیں ہچکچائے گی۔