نائب وزیراعظم محمد اسحاق ڈار نے کہا ہے کہ پاکستان سری لنکا کے ساتھ تمام شعبوں میں اپنے تعلقات مضبوط بنانے کو انتہائی اہمیت دیتا ہے۔
انہوں نے یہ بات سری لنکا کے نیشنل ڈیفنس کالج کے وفد سے ملاقات میں کہی جس نے آج اسلام آباد میں وزارت خارجہ کا دورہ کیا اور اُن سے ملاقات کی۔
پاکستان کا مطالعاتی دورہ کرنے والے وفد کو پاکستان کی خارجہ پالیسی اور علاقائی چیلنجز پر بریفنگ دی گئی۔
نائب وزیراعظم نے وفد کا پرتپاک استقبال کیا اور اُمید ظاہر کی کہ پاکستان میں ان کا دورہ مفید اور قیام خوشگوار رہے گا۔
