آزاد جموں و کشمیر کے وزیراعظم سید افتخار علی گیلانی اور آزاد جموں و کشمیر کی قانون ساز اسمبلی کے سپیکر طارق فاروق نے آج لاہور میں پاکستان مسلم لیگ (ن) کے صدر محمد نواز شریف اور وزیراعظم محمد شہباز شریف سے ملاقات کی۔
ملاقات کے دوران مسلم لیگ (ن) کے صدر محمد نواز شریف نے آزاد جموں و کشمیر کے وزیراعظم کے ساتھ 100 روزہ اصلاحاتی ایجنڈے پر تبادلہ خیال کیا جس میں صحت، تعلیم، صفائی ستھرائی، بنیادی ڈھانچے اور عوامی خدمات کے دیگر اہم شعبوں میں بہتری لانے پر توجہ دی گئی ہے۔
انہوں نے یہ ہدایت بھی کی کہ پنجاب میں نافذ کردہ ترقیاتی ماڈل کی پیروی کرتے ہوئے آزاد جموں و کشمیر کو جدت اور پائیدار ترقی کی راہ پر گامزن کیا جائے۔
