حکومت کی مؤثر معاشی حکمت عملی کے باعث پاکستان نے قبل از وقت قرضوں کی ادائیگی میں تاریخی کامیابی حاصل کی ہے۔
مشیر وزیر خزانہ خرم شہزاد کے مطابق پاکستان اب تک تقریباً پانچ ہزار نو سو بیس ارب روپے کا قرض مقررہ مدت سے پہلے ادا کر چکا ہے۔انہوں نے کہا کہ پاکستان نے قبل از وقت قرض ادائیگی میں اگست دو ہزار پچیس میں کی جانے والی ایک ہزار ایک سو تینتیس ارب روپے کی ریکارڈ ادائیگی کو بھی پیچھے چھوڑ دیا ہے۔
مشیر خزانہ نے بتایا کہ مالی سال دو ہزار پچیس چھبیس میں اب تک مجموعی طور پر دو ہزار نو سو ارب روپے کا قرض مقررہ مدت سے پہلے ادا کیا گیا ہے۔انہوں نے کہا کہ مالی سال دو ہزار چھبیس ستائیس میں اب تک مزید ایک ہزار دو سو ارب روپے کا قرض مقررہ مدت سے پہلے ادا کیا جا چکا ہے۔خرم شہزاد نے کہا کہ قبل از وقت ادائیگیوں سے قرض کی مجموعی رقم میں کمی آئے گی اور آئندہ برسوں میں بڑی ادائیگیوں کا دباؤ کم ہوگا۔
انہوں نے کہا کہ پاکستان کی قرض مینجمنٹ اب روایتی ادائیگیوں سے آگے بڑھ کر سرکاری مالی پوزیشن مضبوط بنانے کی سمت گامزن ہے۔
