پاکستان اور سعودی عرب نے آئندہ دو سال کے دوران پاکستان کی جانب سے سعودی عرب کو زرعی اور غذائی اشیا کی برآمدات تین ارب ڈالر تک بڑھانے پر اتفاق کیا ہے۔

یہ اتفاق رائے پاکستان اور سعودی عرب کے درمیان کامیاب مذاکرات کے دوران ہوا۔

پاکستانی وفد کی قیادت قومی غذائی تحفظ و تحقیق کے وزیر رانا تنویر حسین نے کی جبکہ سعودی وفد کی قیادت سعودی عرب کے ماحولیات، پانی اور زراعت کے وزیر انجینئر عبدالرحمن اے الفاضلی نے کی۔

یہ مذاکرات سعودی وفد کے چھبیس سے اٹھائیس اگست تک اسلام آباد کے دورے کے دوران ہوئے۔ یہ دورہ وزیراعظم شہباز شریف کی خصوصی دلچسپی پر ہوا۔

وزیراعظم نے بھی سعودی وفد سے ملاقات کی اور زراعت اور غذائی تحفظ کے شعبوں میں تعاون کے امکانات پر تبادلہ خیال کیا۔