سندھ کے وزیراعلیٰ سید مراد علی شاہ نے متعلقہ حکام کو ہدایت کی ہے کہ کے فور کے توسیعی آبی منصوبے کو اگلے سال تک مکمل کریں تاکہ کراچی کو پانی کی فراہمی یقینی بنائی جاسکے۔

انہوں نے یہ ہدایات آج (جمعہ) کراچی میں کے فور پرایک اجلاس کی صدارت کرتے ہوئے جاری کیں۔ اجلاس کو بتایا گیا کہ منصوبے کو عالمی بینک اور ایشیائی ترقیاتی بینک کے تعاون سے اکہتر ارب روپے سے زائد کی لاگت سے مکمل کیا جائے گا۔وزیراعلیٰ نے صوبے کیلئے 132 کے وی گرڈ سٹیشن کے قیام کیلئے ٹینڈر جاری کرنے کی بھی ہدایت کی۔