صدر آصف علی زرداری اور وزیراعظم شہباز شریف نے بھارت کی جانب سے بین الاقوامی قانون کی کھلی خلاف ورزی کرتے ہوئے پاکستان میں شہری آبادی کو نشانہ بنانے کی شدید مذمت کی ہے۔

انہوں نے ایک بیان میں کہا کہ پوری پاکستانی قوم اپنی بہادر مسلح افواج کے ساتھ متحد کھڑی ہے۔

صدر آصف علی زرداری نے علاقائی سلامتی اور خود مختاری کے تحفظ کے لئے ملک کے غیرمتزلزل عزم کو دہراتے ہوئے کہا کہ جارحیت کا پوری قوت کے ساتھ جواب دیا جائے گا۔

وزیراعظم شہبازشریف نے کہا کہ ملک پر بھارتی میزائل حملوں کے بعد بھرپور جواب دینا پاکستان کا حق ہے۔

شہبازشریف نے کہا کہ پاکستان دشمن کو اس کے ناپاک عزائم میں ہرگز کامیاب نہیں ہونے دے گا۔