سیکیورٹی فورسز نے بلوچستان کے ضلع کیچ کے علاقے میناز میں خفیہ اطلاعات کی بنیاد پر کارروائی کے دوران فتنہ الہندوستان کا ایک دہشتگرد ہلاک کر دیا۔
سیکیورٹی ذرائع کے مطابق میناز میں دہشتگردوں نے 2 خواتین کو اپنے ہمراہ لے جاتے ہوئے راستہ بند کرنے کی کوشش کی تھی۔
سیکیورٹی فورسز نے فرار ہونے والے دہشتگردوں کا تعاقب کیا۔ اس دوران فائرنگ کے تبادلے میں ایک دہشتگرد ہلا ک ہوگیا۔
ہلاک ہونے والے دہشتگرد کے قبضے سے اسلحہ اورگولہ بارود بھی برآمد کیا گیا۔
