فرنٹیئر کور بلوچستان اور سکیورٹی فورسز نے آپریشن ردالفتنہ تین کے تحت افغانستان سے اسلحہ سمگل کرنے کی کوشش ناکام بنا دی ہے۔
سکیورٹی ذرائع کے مطابق سیکیورٹی فورسز نے ضلع پشین کے علاقے سرانان میں ایک گودام پر چھاپہ مارا اور گولہ بارود سے بھری ایک گاڑی قبضے میں لے لی۔
سکیورٹی ذرائع کے مطابق برآمد ہونے والے اسلحے میں تین راکٹ لانچر، چار مشین گنیں، دستی بم، راکٹ اور بھاری مقدار میں گولہ بارود شامل ہے۔
کارروائی کے بعد ممکنہ دہشت گرد عناصر کا سراغ لگانے کیلئے علاقے میں تلاشی کی کارروائی جاری ہے۔
