افغانستان میں مسلح مزاحمت میں مسلسل اضافہ ہورہا ہے۔ طالبان رجیم کو مختلف محاذوں پر شدید دباؤ کا سامنا ہے۔ نورستان اور کنڑ میں افغان طالبان اور افغانستان فریڈم فرنٹ کےدرمیان جھڑپوں میں شدت سےسکیورٹی صورتحال سنگین ہوگئی۔
افغانستان فریڈم فرنٹ کے مطابق افغانستان کےصوبوں نورستان اور کنڑ میں مسلح گروپوں کے حملوں میں 5 طالبان جنگجو ہلاک جبکہ 10 زخمی ہوئے۔ مسلح کارروائیوں کے دوران نورستان اورکنڑ میں طالبان رجیم کی متعدد چوکیوں پر قبضہ کرلیا گیا۔
افغانستان نیشنل ریزسٹنس فرنٹ نے آزادی کی جدوجہد میں اے ایف ایف اور دیگر مزاحمتی گروہوں کی حمایت کا اعلان کیا ہے۔ ماہرین کا کہنا ہے کہ افغانستان پر قابض طالبان رجیم غیر قانونی اقتدار قائم رکھنے کیلئے مسلسل دہشت گردوں کی پشت پناہی بھی کررہی ہے۔
