وزیر صحت مصطفی کمال نے یقین دہانی کرائی ہے کہ پمز آتشزدگی کے سانحے میں غفلت کے ذمہ دار افراد کو ہرگز معاف نہیں کیا جائے گا۔

انہوں نے آج سینیٹ میں اظہار خیال کرتے ہوئے کہا کہ وزیراعظم کی جانب سے آتشزدگی کے واقعے کی تحقیقات کے لیے قائم کمیٹی اپنی ابتدائی رپورٹ آج رات پیش کرے گی۔

انہوں نے کہا کہ مستقبل میں ایسے واقعات کی روک تھام اور بچوں کی حفاظت یقینی بنانے کے لیے سیاسی اختلافات سے بالاتر ہو کر مل کر کام کرنے کی ضرورت ہے۔

حزب اقتدار اور حزب اختلاف کے ارکانِ سینیٹ نے نومولود بچوں کے جاں بحق ہونے پر گہرے دکھ اور افسوس کا اظہار کیا۔