وزیر داخلہ محسن نقوی نے آج شبقدر میں فیڈرل کانسٹیبلری کے تربیتی مرکز کا دورہ کیا جہاں انہوں نے اینٹی رائٹ ونگ کی خصوصی تربیتی مشقوں کا معائنہ کیا اور اہلکاروں کی پیشہ ورانہ مہارت، جدید تربیت اور عملی تیاری کو سراہا۔
اس موقع پر وزیر داخلہ نے کہا کہ اینٹی رائٹ فورس کو جدید خطوط پر تربیت دی گئی ہے اور یہ کسی بھی امن و امان کی صورتحال سے نمٹنے کی بھرپور صلاحیت رکھتی ہے۔
انہوں نے کہا کہ امن و امان کی موجودہ صورتحال میں ملک بھر میں فیڈرل کانسٹیبلری کا کردار انتہائی اہم ہے۔
