وفاقی وزیر خزانہ محمد اورنگزیب نے آج اسلام آباد میں سعودی عرب کے اسعد گروپ کے چیف ایگزیکٹو آفیسر اور وافی انرجی پاکستان لمیٹڈ کے بورڈ آف ڈائریکٹرز کے چیئر پرسن غسان احمد العمودی سے ملاقات کی۔
ملاقات میں پاکستان میں اسعد گروپ کی موجودہ سرمایہ کاری، توسیعی منصوبوں اور نئی سرمایہ کاری کے مواقع پر تبادلہ خیال کیا گیا۔
وزیر خزانہ نے پاکستان میں سعودی سرمایہ کاروں کی بڑھتی ہوئی دلچسپی کا خیرمقدم کیا اور اقتصادی اصلاحات اور کاروبار کے لیے سازگار ماحول کے ذریعے قابل اعتماد اور طویل مدتی سرمایہ کاری راغب کرنے کے لیے حکومت کی کوششوں کو اُجاگر کیا۔
انہوں نے پاکستان اور سعودی عرب کے درمیان نجی شعبے کے روابط مضبوط بنانے کی اہمیت پر زور دیا۔
