اسٹیٹ بینک کی مانیٹری پالیسی کمیٹی نے پالیسی ریٹ میں پچاس بیسس پوائنٹس کا اضافہ کرتے ہوئے اسے بارہ فیصد کر دیا ہے۔
اس بات کا اعلان اسٹیٹ بینک کے گورنر جمیل احمد نے آج کراچی میں ایک نیوز کانفرنس میں کیا۔
انہوں نے کہا کہ کمیٹی نے ستمبر میں گزشتہ اجلاس کے بعد سے اب تک کی معاشی صورتحال کا جائزہ لیا۔
انہوں نے کہا کہ پاکستان نے عالمی بحرانوں کے دوران درپیش چیلنجز پر موثر انداز میں قابو پایا۔
گورنر نے کہا کہ خطے میں جاری کشیدگی کے باعث عالمی سطح پر تیل کی قیمتوں میں اضافہ ہوا ہے۔
