وزیر مملکت برائے امورِ داخلہ طلال چوہدری نے کہا ہے کہ پمز میں آتشزدگی کے مقام پر امدادی کارروائی بہترین ممکنہ طریقے سے مکمل کرلی گئی۔
انہوں نے اسلام آباد میں پمز کے باہر صحافیوں سے گفتگو کرتے ہوئے کہا کہ اطلاع ملنے کے چھ منٹ کے اندر ہی امدادی ٹیمیں ہسپتال پہنچ گئیں۔
انہوں نے کہا کہ سات بچوں سمیت انیس افراد کو بچا لیا گیا۔ انہوں نے کہا کہ وزیر داخلہ نے ذاتی طور پر امدادی کارروائی کی نگرانی کی۔
وزیر مملکت نے کہا کہ نومولود بچوں کی میتیں شناخت کے بعد سوگوار خاندانوں کے حوالے کردی گئی ہیں۔
