نائب وزیراعظم اور وزیر خارجہ اسحاق ڈار نے پاکستان اور برطانیہ کے تعلقات مضبوط بنانے میں برطانوی ارکان پارلیمنٹ کے اہم کردار کو سراہا ہے۔
انہوں نے یہ بات لندن میں پاکستان نژاد برطانوی ارکان پارلیمنٹ کے مختلف جماعتوں سے تعلق رکھنے والے گروپ سے گفتگو کر تے ہوئے کہی۔
نائب وزیراعظم نے جموں و کشمیر کے تنازع کے منصفانہ حل کیلئے ان کی بھرپور حمایت کو بھی سراہا۔
انہوں نے مشرق وسطیٰ میں کشیدگی کم کرنے اور امن کیلئے پاکستان کی جاری سفارتی کوششوں سے آگاہ کیا۔
