پنجاب کی وزیراعلیٰ مریم نواز شریف نے ایشین انفراسٹرکچر انویسٹمنٹ بینک کو صوبے کے ترقیاتی منصوبوں میں شراکت داری کی دعوت دی ہے۔

وہ ایشین انفراسٹرکچر انوسٹمنٹ بینک کے چیف انویسٹمنٹ آفیسر Konstantin Limitovskiy سے گفتگو کر رہی تھیں جنہوں نے ایک وفد کے ہمراہ آج لاہور میں ان سے ملاقات کی۔

وزیراعلیٰ نے وفد کو پنجاب حکومت کے ریکارڈ ترقیاتی اقدامات کے بارے میں بریفنگ دی۔

انہوں نے کہا کہ صوبائی حکومت کے پروگرام "اپنی چھت، اپنا گھر" کے تحت ایک سال کے اندر ایک لاکھ سے زائد مکانات مکمل کئے جاچکے ہیں۔

انہوں نے لاہور میں پانی کی فراہمی اور نکاسی آب کے بنیادی ڈھانچے کو بہتر بنانے میں بینک کے تعاون کو سراہا۔