خاتونِ اول بی بی آصفہ بھٹو زرداری نے بین الاقوامی انسانی قوانین کی پاسداری اور شہریوں کی جانوں کے تحفظ کی ضرورت پر زور دیا ہے۔
اقوامِ متحدہ کے دن کے حوالے سے کراچی میں ایک تقریب سے خطاب کرتے ہوئے انہوں نے کہا کہ اقوامِ متحدہ کے اصولوں کا اطلاق ہر انسانی جان پر یکساں ہونا چاہیے، خواہ اس کا تعلق کسی بھی جغرافیائی خطے، قومیت یا سیاسی صورتحال سے ہو۔
اس سلسلے میں انہوں نے غزہ میں بے گناہ شہریوں کودرپیش مصائب و مشکلات کا خصوصی حوالہ دیا۔
