پاکستان اور بینن نے اقتصادی اور تجارتی تعاون کے شعبوں میں دوطرفہ تعلقات کو مزید مستحکم بنانے کے عزم کا اعادہ کیا ہے۔
یہ عزم نائب وزیراعظم اسحاق ڈار اور بینن کی وزیر خارجہ کورین اموری برونیٹ کے درمیان نیویارک میں اقوام متحدہ کی جنرل اسمبلی کے 81ویں اجلاس کے موقع پر ملاقات میں ظاہر کیا گیا۔
اس موقع پر دونوں وزراء نے پاکستان اور بینن کے درمیان دوطرفہ سیاسی مشاورت کے قیام سے متعلق مفاہمت کی یادداشت پر دستخط کیے۔
مفاہمت کی یادداشت کا مقصد دونوں ممالک کے درمیان باقاعدہ مذاکرات اور مشاورت کے لیے ایک لائحہ عمل کو ادارہ جاتی شکل دینا ہے۔
