نائب وزیراعظم اور وزیر خارجہ سینیٹر محمد اسحاق ڈار نے سعودی عرب کے وزیر خارجہ شہزادہ فیصل بن فرحان آل سعود سے ٹیلیفون پر گفتگو کی۔
دونوں رہنماؤں نے خطے کی تازہ صورتحال پر تبادلہ خیال کیا اور پاکستان اور سعودی عرب کے درمیان قریبی اور برادرانہ تعلقات کا اعادہ کیا۔
انہوں نے سفارت کاری کے تسلسل کی اہمیت پر زور دیتے ہوئے خطے میں تعمیری روابط، امن اور استحکام کے فروغ کے لیے اپنے عزم کا اظہار کیا۔
