وزیر خزانہ محمد اورنگزیب نے کہا ہے کہ حکومت فیڈرل بورڈ آف ریونیو کو جدید خطوط پر استوار کرنے اور ٹیکس کے انتظامی امور کو مزید بہتر بنانے کے لیے نئے طریقے متعارف کروا رہی ہے۔

انہوں نے لاہور میں ایف بی آر کے افسران کی گریجویشن تقریب سے خطاب کرتے ہوئے کہا کہ حکومت ٹیکس نظام کو بہتر بنانے کے لیے کام کر رہی ہے۔

وزیر خزانہ نے کہا کہ کیش لیس معیشت کے فروغ کے لیے جامع اصلاحات کا نفاذ کیا جا رہا ہے۔

ٹیکنالوجی کی اہمیت پر زور دیتے ہوئے انہوں نے کہا کہ یہ مصنوعی ذہانت کا دور ہے اور ایف بی آر کے افسران کو کارکردگی اور خدمات کی فراہمی بہتر بنانے کے لیے مصنوعی ذہانت سے بھرپور استفادہ کرنا چاہیے۔