وفاقی وزیر برائے اوورسیز پاکستانیز و ترقی انسانی وسائل چوہدری سالک حسین کی زیرِ صدارت اوورسیز پاکستانی فاؤنڈیشن (او پی ایف) کی کارکردگی کا جائزہ اجلاس منعقد ہوا۔
اجلاس میں سیکرٹری وزارت سمندر پار پاکستانی و ترقی انسانی وسائل ، ڈائریکٹر جنرل بیورو آف ایمیگریشن، مینیجنگ ڈائریکٹر او پی ایف، چیئرمین بورڈ آف گورنرز اور دیگر اعلیٰ حکام نے شرکت کی۔
اجلاس کو PAKTOK ایپ سمیت او پی ایف کے مختلف منصوبوں پر بریفنگ دی گئی۔
چوہدری سالک حسین نے او پی ایف کو منافع بخش ادارہ بنانے پر زور دیتے ہوئے افسران کو خدمات کے معیار میں مزید بہتری کی ہدایت کی۔
انہوں نے چیئرمین سید قمر رضا اور ایم ڈی افضال بھٹی کے اقدامات کو سراہا۔
