صدر آصف علی زرداری نے بلوچستان میں ترقی کا عمل مزید تیز کرنے کی ضرورت پر زور دیا ہے۔
انہوں نے یہ بات کراچی میں بلوچستان کے وزراء سے ملاقات کے دوران کہی۔
آصف علی زرداری نے کہا کہ بلوچستان کی ترقی، امن و امان کی بہتری، عوامی فلاح و بہبود اور صوبے میں معاشی سرگرمیوں کے فروغ کے لیے تمام متعلقہ ادارے باہمی تعاون اور موثر رابطے کے ساتھ کام کریں۔
صدر نے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
