نائب وزیراعظم محمد اسحاق ڈار نے جمہوریہ کرغز کے شہر چولپون آتا میں شنگھائی تعاون تنظیم کی وزرائے خارجہ کونسل کے اجلاس کے موقع پر چین کے وزیر خارجہ وانگ ای سے ملاقات کی۔

دونوں رہنماؤں نے پاک چین دوطرفہ تعلقات، علاقائی صورتحال اور کثیرجہتی فورمز میں تعاون پر خوشگوار اور مفید تبادلہ خیال کیا۔

نائب وزیراعظم نے شنگھائی تعاون تنظیم کی وزرائے خارجہ کونسل کے اجلاس میں اپنے خطاب میں علاقائی امن و استحکام کے لیے پاکستان کی سفارتی کوششوں کی تعریف کرنے پر وزیر خارجہ وانگ ای کا شکریہ ادا کیا۔

چینی وزیر خارجہ نے شنگھائی تعاون تنظیم کی سربراہانِ مملکت کونسل کی آئندہ صدارت سنبھالنے اور اگلے سال تنظیم کے سربراہ اجلاس کی میزبانی کے حوالے سے پاکستان کے لیے نیک خواہشات کا اظہار کیا۔