قومی اسمبلی کے سپیکر سردار ایاز صادق نے کہا ہے کہ پاکستان دہشت گردی کے ناسور کا سامنا کر رہا ہے کیونکہ ہمسایہ ملک افغانستان خطے میں دہشت گردی کا گڑھ بن چکا ہے۔

انہوں نے ان خیالات کا اظہار اسلام آباد میں یورپی پارلیمنٹ کی رکن میری خان کی قیادت میں یورپی پارلیمانی وفد سے ملاقات کے دوران کیا۔

سردار ایاز صادق نے کہا کہ افغانستان میں نیٹو فورسز کی جانب سے چھوڑا گیا جدید اسلحہ بے گناہ پاکستانی شہریوں اور سکیورٹی فورسز کے خلاف استعمال کیا جا رہا ہے۔

یورپی پارلیمانی وفد کے ارکان نے پاکستانی قوم کو ثابت قدم اور امن پسند قرار دیا اور علاقائی امن و استحکام کے لیے پاکستان کی کوششوں کی تعریف کی۔