امور خزانہ اور ریلوے کے وزیر مملکت بلال اظہر کیانی نے وزیراعظم کی فیول ریلیف سکیم پر عمل درآمد کا جائزہ لینے کے لیے جہلم میں مختلف پٹرول پمپس کا دورہ کیا۔

انہوں نے پٹرول پمپس پر قائم رجسٹریشن کیمپوں کا معائنہ کیا اور شہریوں کو 9771 پر ایس ایم ایس کے ذریعے فیول ریلیف ٹوکن حاصل کرنے میں سہولت فراہم کرنے کے لیے کیے گئے انتظامات کا جائزہ لیا۔

بلال اظہر کیانی نے رجسٹریشن کے عمل میں شہریوں کی ذاتی طور پر معاونت بھی کی اور ٹوکن جاری ہونے کے بعد اہل مستحقین کی موٹر سائیکلز میں پٹرول ڈالا۔

انہوں نے ضلعی انتظامیہ کو ہدایت کی کہ شہریوں کی سہولت کے لیے ڈی ایچ کیو ہسپتال اور سرکاری کالجوں کے باہر اضافی رجسٹریشن کیمپ قائم کیے جائیں۔