پاکستان میں تعینات امریکی ناظم الامور نٹالی بیکر نے اسلام آباد میں وزیر داخلہ محسن نقوی سے ملاقات کی۔

اس موقع پر پاکـامریکہ تعلقات کے فروغ اور سرمایہ کاری کے مواقع کے امکانات پر تبادلہ خیال کیا گیا۔

محسن نقوی نے کہا کہ دنیا اور دہشت گردی کے درمیان پاکستان مضبوط دیوار ہے۔

نٹالی بیکر نے دہشت گردی کے خلاف پاکستان کی قربانیوں کو سراہا۔

ملاقات میں علاقائی سیکیورٹی کے امور اور پاکستان کی جانب سے امن کی کوششوں پر بھی بات چیت کی گئی۔

ملاقات کے دوران دوطرفہ تعاون کو فروغ دینے کیلئے باہمی رابطے مستحکم کرنے پر اتفاق کیا گیا۔