فتنہ الہندوستان سے وابستہ دہشتگرد عناصر کی کارروائیوں کے باعث ان کے اہلخانہ بھی ان سے لاتعلقی اور بیزاری کا اظہار کرنے لگے ہیں۔

تربت کے رہائشی نذر محمد نے اپنی بیٹی لائبہ نذر سے مکمل لاتعلقی کا اعلان کرتے ہوئے کہا ہے کہ وہ 8 جولائی کو گھر سے گئی تھی، جس کے بعد سے اس سے رابطہ منقطع ہے۔

نذر محمد کے مطابق انہیں معلوم نہیں کہ لائبہ نذر اس وقت کہاں ہے اور کس کے ساتھ ہے۔

انہوں نے واضح کیا کہ اگر لائبہ نذر کسی غیرقانونی سرگرمی میں ملوث پائی گئی تو اس کے کسی بھی فعل سے خاندان کا کوئی تعلق نہیں ہوگا۔

فتنہ الہندوستان سے وابستہ دہشتگرد عناصر کے اہلخانہ کی جانب سے لاتعلقی کے اعلانات کو دہشتگردی اور تشدد سے بڑھتی ہوئی بیزاری کے طور پر دیکھا جا رہا ہے۔