ریلوے کے وزیر محمد حنیف عباسی نے کہا ہے کہ حکومت ملک میں ریلوے کے نظام کو بہتر اور جدید بنانے کیلئے عملی اقدامات کر رہی ہے۔
وہ جھنگ میں ساندل بار ایکسپریس کی افتتاحی تقریب سے خطاب کررہے تھے۔
انہوں نے کہا کہ حکومت عوام کو بہتر اور جدید سفری سہولیات فراہم کرنے پر بھی توجہ مرکوزکر رہی ہے۔
وفاقی وزیر نے یہ بھی اعلان کیا کہ چین سے درآمد کی گئی ایک ٹرین جلد شورکوٹ، جھنگ اور سرگودھا کے روٹ پر چلائی جائے گی۔
