نائب وزیراعظم اور وزیرخارجہ محمد اسحق ڈار نے بجلی کی تقسیم کار کمپنیوں میں نظم ونسق کے مسائل کے حل کیلئے حکومت کا عزم ظاہرکیا ہے ۔
وہ آج(ہفتہ کو) اسلام آباد میں بجلی کی تقسیم کارکمپنیوں کے نئے بورڈ آف ڈائریکٹر کے چیئرپرسنزکے اجلاس کی صدارت کررہے تھے۔
اجلاس میں بجلی کی تقسیم کار کمپنیوں کی جانب سے درکار ضروری انسانی وسائل سے متعلق امور پر تبادلہ خیال کیا گیا۔
وزیرتوانائی سردار اویس احمد خان لغاری نے بھی اجلاس میں شرکت کی۔
