سینیٹ کے چیئرمین یوسف رضا گیلانی نے امن کے مقصد کے حصول کیلئے بین المذاہب اور بین المسالک مذاکرات کو فروغ دینے کی اجتماعی کوششوں پرزوردیا ہے۔
انہوں نے آج(ہفتہ کو) اسلام آباد میں بین الاقوامی سیرت النبیۖکانفرنس سے خطاب کرتے ہوئے کہاکہ انصاف، رحمدلی اوربین المذاہب ہم آہنگی کے بارے میں خاتم النبین حضرت محمدۖ کی تعلیمات پوری دنیا کیلئے عظیم مثال ہیں۔
انہوں نے کہاکہ خاتم النبین حضرت محمد ۖکی تعلیمات پرعمل کرکے ہم دنیا کو امن، ہم آ ہنگی اور محبت کا گہوارہ بنا سکتے ہیں۔
