صدر آصف علی زرداری اور وزیراعظم شہباز شریف نے شمالی اور جنوبی وزیر ستان اضلاع میں دہشتگردوں کے خلاف کامیاب کارروائیاں کرنے پرسیکورٹی فورسز کو سراہا ہے۔

انہوں نے اپنے الگ الگ بیانات میں ملک سے دہشت گردی کے خاتمے کا عزم ظاہر کیا۔

صدر اور وزیراعظم نے کارروائیوں کے دوران شہیدہونے والے سیکورٹی فورسز کے جوانوں کو خراج عقیدت پیش کیا۔انہوں نے شہداء کے درجات کی بلندی کیلئے دعا کی اور غمزدہ خاندانوں سے تعزیت کی۔