آپریشن ردالفتنہ تین کے تحت بلوچستان میں دہشت گردوں کے خلاف سکیورٹی فورسز کی بھرپور کارروائیاں جاری ہیں۔

سکیورٹی ذرائع کے مطابق پنجگور اور چاغی اضلاع میں کی گئی کارروائیوں کے دوران فتنہ الہندوستان کے گیارہ دہشت گرد مارے گئے۔

پنجگور کے علاقے گوارگو میں سکیورٹی فورسز نے پانچ دہشت گردوں کو ہلاک کیا اور ان کے قبضے سے بڑی مقدار میں اسلحہ اور گولہ بارود برآمد کیا۔

ادھر ضلع چاغی کے علاقوں امین آباد اور سیاہ چنگ میں موثر کارروائیاں کی گئیں، جہاں چھ دہشت گرد مارے گئے۔ ان کارروائیوں کے دوران بڑی مقدار میں اسلحہ اور دھماکہ خیز مواد بھی قبضے میں لے لیا گیا۔