وزیراعلیٰ سندھ سید مراد علی شاہ نے کہا ہے کہ صوبے میں آئندہ مالی سال میں دو ہزار چھپن ترقیاتی اسکیمیں مکمل کی جائیں گی۔

انہوں نے آج کراچی میں بعد از بجٹ پریس کانفرنس سے خطاب کرتے ہوئے کہا کہ بجٹ میں عوام کو ریلیف دینے پر توجہ دی گئی ہے۔

سید مراد علی شاہ نے کہا کہ سرکاری و نجی شراکت داری کے منصوبوں کے لیے ایک سو نو ارب روپے مختص کیے گئے ہیں۔

انہوں نے کہا کہ سرکاری ملازمین کی تنخواہوں اور پنشن میں سات فیصد اضافہ کیا گیا ہے۔

سید مراد علی شاہ نے کہا کہ صوبے میں مختلف ہسپتالوں اور اداروں کو چھ سو چھیاسی ارب روپے کی گرانٹس دی جائیں گی۔