وزیراعظم شہباز شریف نے تاریخی اسلام آباد مفاہمتی یادداشت پر دستخط کے بعد سوئٹزرلینڈ کی حمایت اور تعمیری تعاون پر اس کا شکریہ ادا کیا ہے۔

انہوں نے سوشل میڈیا پلیٹ فارم ایکس پر ایک بیان میں کہا کہ اسلام آباد مفاہمتی یادداشت کے بعد برگن سٹاک میں جاری تکنیکی مذاکرات کے موقع پر سوئٹزرلینڈ کے نائب صدر اور وزیرخارجہ اِگنازیو کیسس سے ملاقات خوشگواررہی۔

وزیراعظم نے کہا ہم نے اس بات پر اتفاق کیا کہ اسلام آباد مفاہمتی یادداشت پر کامیاب عملدرآمد خطے میں امن، استحکام اور عالمی اقتصادی خوشحالی میں معاون ثابت ہو گا۔

شہباز شریف نے کہا کہ دونوں ملکوں نے باہمی دلچسپی کے تمام شعبوں میں دوطرفہ تعاون مزید مضبوط بنانے کے عزم کا اعادہ بھی کیا۔