سینیٹ کے چیئرمین سید یوسف رضا گیلانی نے بچوں کی صحت کیلئے صحت کی بنیادی سہولتوں اور نوزائیدہ بچوں کی طبی خدمات بہتر بنانے کی ضرورت پر زور دیا ہے۔
انہوں نے آج اسلام آباد میں بچوں کی صحت سے متعلق اٹھائیسویں کانفرنس سے خطاب کرتے ہوئے غذائیت بہتر بنانے، حفاظتی ٹیکوں کا دائرہ کار بڑھانے اور چھوٹی عمر میں لگنے والی بیماریوں سے بچاؤ اور علاج کیلئے کوششیں تیز کرنے پر زور دیا۔
انہوں نے کہا کہ بچوں کی صحت پر اس کی اہمیت کے مطابق توجہ دینے کیلئے پارلیمنٹ، حکومت، صحت عامہ کے اداروں اور عالمی شراکت داروں کو مل کر کام کرنا ہوگا۔
