وزیراعظم یوتھ پروگرام کے چیئرمین رانا مشہود احمد نے کہا ہے کہ معاشی استحکام اور روزگار کے مواقع پیدا کرنا حکومت کی اولین ترجیحات ہیں۔

لاہور میں ایک تقریب سے خطاب کرتے ہوئے انہوں نے مشکل وقت کے دوران ارکان پارلیمنٹ کو متحد کرنے میں پاکستان مسلم لیگ ن کے کردار کو اجاگر کیا۔رانا مشہود نے کہا کہ وزیراعظم شہبازشریف کی قیادت میں پاکستان نے کامیابی سے اقتصادی بحران پر قابو پایا اور سرمایہ کاروں کا اعتماد بحال کیا ہے۔انہوں نے کہا کہ معاشی اشاریے اب بہتر ہو رہے ہیں اور عالمی اداروں نے پاکستانی معیشت پر اپنے اعتماد کا اظہار کیا ہے۔انہوں نے رواں ماہ ڈیجیٹل ایمپلائمنٹ ٹریکنگ سسٹم شروع کرنے کا بھی اعلان کیا جو پندرہ لاکھ سے زائد پاکستانی نوجوانوں کو بیرون ملک روزگار کے حصول میں مدد دے گا