سپیکر قومی اسمبلی سردار ایاز صادق نے کہا ہے کہ پوری قوم دہشت گردی کے خلاف متحد ہے اور حکومت ملک سے اس ناسورکے خاتمے کے لیے پرعزم ہے۔
گوجرانوالہ میں صحافیوں سے گفتگو کرتے ہوئے انہوں نے کہا کہ ریاست دشمن عناصر کو ملک کی اقتصادی ترقی ہضم نہیں ہو رہی۔
سپیکر نے اس امر پرافسوس کا اظہار کیا کہ سوشل میڈیا پر دہشت گردی کے واقعات پر جھوٹا پروپیگنڈا کیا جا رہا ہے۔
انہوں نے کہا کہ حکومت کی دانشمندانہ پالیسیوں کی بدولت پالیسی ریٹ اور مہنگائی کی شرح میں کمی ہوئی ہے اور معیشت مضبوط ہو رہی ہے۔
ایاز صادق نے کہا کہ نواز شریف کے دور میں ملک سے دہشت گردی کا خاتمہ کیا گیا تھا۔
