وزیر پیٹرولیم علی پرویز ملک نے پاکستان منرلز انویسٹمنٹ فورم سے خطاب کرتے ہوئے کہا ہے کہ حکومت عالمی سرمایہ کاروں کے لیے سٹریٹجک اہمیت کی معدنیات پر خصوصی توجہ دے رہی ہے۔

انہوں نے کہا ہم جدید جیو کیمیکل اور جیو فزیکل surveys کے ذریعے ان کوششوں کو مزید موثر بنا رہے ہیں۔

علی پرویز ملک نے کہا کہ حکومت ڈیجیٹل نقشہ سازی، فضائی سروے اور معدنیات کے جائزے کے شعبوں میں بھی مہارت بڑھا رہی ہے۔

انہوں نے کہا حکومت کان کنی کے مقامات اور نقل و حمل کے نظام خصوصاً تربیت یافتہ افرادی قوت کا تحفظ اور سلامتی یقینی بنانے کے لیے پُرعزم ہے۔