وزیر داخلہ محسن نقوی نے کہا ہے کہ سائبر جرائم پر قابو پانا حکومت کی اولین ترجیحات میں شامل ہے۔
انہوں نے یہ بات لاہور میں نیشنل سائبر کرائم انویسٹی گیشن ایجنسی کے دورے کے موقع پر صحافیوں سے گفتگو کرتے ہوئے کہی۔
محسن نقوی نے کہا کہ خواتین اور لڑکیوں کو بلیک میل کرنے میں ملوث عناصر کو ہرگز برداشت نہیں کیا جائے گا۔
انہوں نے کہا کہ شکایت کنندگان کی سہولت کے لیے ادارے کا شکایت سیل پاک آئی ڈی ایپ پر منتقل کیا جا رہا ہے۔
