وزیر خزانہ محمد اورنگزیب نے معدنیات اور کان کنی کے شعبے کو پاکستان کے لیے تقدیر بدلنے کی صلاحیت رکھنے والا شعبہ قرار دیا ہے، جو برآمدات بڑھانے، غیر ملکی سرمایہ کاری اور پائیدار معاشی ترقی کو فروغ دینے کی صلاحیت رکھتا ہے۔

انہوں نے یہ بات اسلام آباد میں پاکستان منرلز انویسٹمنٹ فورم سے خطاب کرتے ہوئے کہی۔

وزیر خزانہ نے کہا کہ یہ شعبہ ملکی اور غیر ملکی سرمایہ کاروں کے ساتھ ساتھ حکومت کے لیے بھی یکساں طور پر فائدہ مند مواقع فراہم کرتا ہے۔

انہوں نے ملکی اور بین الاقوامی سرمایہ کاروں کی سہولت اور معدنیات کے شعبے کی ترقی میں معاونت کے لیے وزارت خزانہ کے عزم کا اعادہ کیا۔